"ಸವಿಪಾಠ" YouTube Channel
Subscribe ಆಗಲು ಕ್ಲಿಕ್‌ ಮಾಡಿ
ವಿಶ್ವ ಮಹಿಳಾ ದಿನಾಚರಣೆ
ವಿಶ್ವ ಮಹಿಳಾ ದಿನಾಚರಣೆ
ಹೆತ್ತು ಹೊತ್ತು ಸಾಕಿ ಸಲಹುವವಳು ಮಹಿಳೆ. ಅಕ್ಕ, ತಂಗಿ, ಪುತ್ರಿ, ಪತ್ನಿಯಾಗಿ ಜೀವನ ತುಂಬುವವಳೂ ಅವಳೇ. ಇಂತಹ ಮಹಿಳೆಗೆ ಜಗತ್ತಿನಲ್ಲಿ ಮಹಿಳೆಗೆ ಅಪೂರ್ವ ಸ್ಥಾನವಿದೆ. ಇದನ್ನು ನೆನೆಸಿಕೊಡುವಂತೆ ಅಂತಾರಾಷ್ಟ್ರೀಯ ಮಹಿಳಾ ದಿನ ಆಚರಿಸಲಾಗುತ್ತದೆ. ಮಹಿಳಾ ದಿನದ ನಿಟ್ಟಿನಲ್ಲಿ ಭಾರತದ "ಮೊದಲಿಗ' ಮಹಿಳೆಯರ ಬಗ್ಗೆ, ಮಹಿಳೆ ಆಧಾರಿತ ಚಿತ್ರಗಳು, ಸ್ಫೂರ್ತಿದಾಯಕ ಮಾತುಗಳ ಗೊಂಚಲುಗಳು ಇಲ್ಲಿವೆ.
ಭಾರತದ ಮೊದಲಿಗ ಮಹಿಳೆಯರು:
ಮದರ್‌ ತೆರೇಸಾ
ಸಮಾಜ ಸೇವೆಗೆ ಮತ್ತೂಂದು ಹೆಸರು. ದೀನರು, ಬಡ ಮಕ್ಕಳು, ರೋಗಿಗಳ ಆರೈಕೆಯಲ್ಲಿ ವಿಶ್ವಕ್ಕೇ ಹೆಸರಾದವರು. ದೇಶದಲ್ಲಿ ಹಲವು ಮಿಷನರಿಗಳ ಮೂಲಕ ಸಮಾಜ ಸೇವಾ ಕೈಂಕರ್ಯವನ್ನು ನಡೆಸಿದರು. ಅವರ ನಿಧನಾ ನಂತರವೂ ತೆರೇಸಾ ಹೆಸರಲ್ಲಿ ಈ ಕೆಲಸಗಳು ಮುಂದುವರಿಯುತ್ತಿವೆ.
ಇಂದಿರಾ ಗಾಂಧಿ
ದೇಶದ ಮೊದಲ ಮಹಿಳಾ ಪ್ರಧಾನಿ. ಅತಿ ಪ್ರಭಾವಿಯೂ ಹೌದು. ಸುಮಾರು 20 ವರ್ಷಗಳ ಕಾಲ ಪ್ರಧಾನಿಯಾಗಿ ದೇಶವನ್ನು ಮುನ್ನಡೆಸಿದವರು. ಬಾಂಗ್ಲಾ ವಿಮೋಚನೆಯಲ್ಲಿ ದಿಟ್ಟತನ ಪ್ರದರ್ಶಿಸಿದವರು. ಧೈರ್ಯ, ಛಲಕ್ಕೆ ಇಂದಿರಾ ಹೆಸರಾಗಿದ್ದಾರೆ. ಬಿಬಿಸಿಯ ಶತಮಾನದ ಮಹಿಳೆ ಎಂಬ ಬಿರುದಿಗೆ ಪಾತ್ರವಾಗಿದ್ದರು.
ಕಿರಣ್‌ ಬೇಡಿ
ಭಾರತದ ಮೊತ್ತ ಮೊದಲ ಮಹಿಳಾ ಐಪಿಎಸ್‌ ಅಧಿಕಾರಿ. ದೇಶದ ಹಲವಾರು ಮಹಿಳಾ ಅಧಿಕಾರಿಗಳಿಗೆ ಸ್ಫೂರ್ತಿಯಾದವರು. ತಿಹಾರ್‌ ಜೈಲಿನ ಜೈಲಧಿಕಾರಿಯಾಗಿ ಹಲವು ಬದಲಾವಣೆಗೆ ಕಾರಣವಾದವರು. ದಿಟ್ಟ ಪೊಲೀಸ್‌ ಅಧಿಕಾರಿ ಎಂದೇ ಪ್ರಸಿದ್ಧರಾದ ಬೇಡಿ, ಭ್ರಷ್ಟಾಚಾರ ವಿರೋಧಿ ಹೋರಾಟದಲ್ಲೂ ಭಾಗಿಯಾಗಿದ್ದರು.
ಪ್ರತಿಭಾ ಪಾಟೀಲ್‌
ದೇಶದ 12ನೇ ರಾಷ್ಟ್ರಪತಿಯಾಗಿ 2007ರಿಂದ 2012ರವರೆಗೆ ಹುದ್ದೆಯಲ್ಲಿದ್ದರು. ಮಹಾರಾಷ್ಟ್ರದಲ್ಲಿ ಕಾಂಗ್ರೆಸ್‌ ಆಡಳಿತ ವೇಳೆ ಹಲವು ಸಚಿವ ಸ್ಥಾನಗಳನ್ನು ನಿಭಾಯಿಸಿದ್ದರು. ರಾಜ್ಯಸಭೆಯ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು. 2004ರಿಂದ 2007ರವರೆಗೆ ರಾಜಸ್ಥಾನದ ರಾಜ್ಯಪಾಲರಾಗಿಯೂ ಇದ್ದರು.
ಮೇರಿ ಕೋಮ್‌
ಅಪ್ರತಿಮ ಬಾಕ್ಸರ್‌. ಓರ್ವ ತಾಯಿಯಾಗಿ ಐದು ಬಾರಿ ವಿಶ್ವ ಅಮೆಚೂÂರ್‌ ಬಾಕ್ಸಿಂಗ್‌ ಚಾಂಪಿಯನ್‌ ಶಿಪ್‌ನಲ್ಲಿ ಪದಕ ಮುಡಿಗೇರಿಸಿಕೊಂಡವರು. 2012 ಲಂಡನ್‌ ಒಲಿಂಪಿಕ್ಸ್‌ನಲ್ಲಿ ದೇಶಕ್ಕೆ ಕಂಚಿನ ಪದಕ ತಂದುಕೊಟ್ಟವರು. ದೇಶದ ಮಹಿಳಾ ಕ್ರೀಡಾಪಟುಗಳಿಗೆ ಮಣಿಪುರದ ಮೇರಿ ಕೋಮ್‌ ಸ್ಫೂರ್ತಿಯಾಗಿದ್ದಾರೆ.
ನ್ಯಾ.ಫಾತಿಮಾ ಬೀವಿ
ಸುಪ್ರೀಂ ಕೋರ್ಟ್‌ನ ಮೊದಲ ಮಹಿಳಾ ನ್ಯಾಯಾಧೀಶೆ. ಅಲ್ಪಸಂಖ್ಯಾತ ಸಮುದಾಯದಿಂದ ಅತ್ಯುನ್ನತ ಹುದ್ದೆಗೇರಿದ ಮೊದಲ ಮಹಿಳೆಯೂ ಹೌದು. 1989ರಲ್ಲಿ ಅವರು ಸುಪ್ರೀಂ ಕೋರ್ಟ್‌ಗೆ ನೇಮಕವಾಗಿದ್ದರು. 1984ರಿಂದ 1980ರವರೆಗೆ ಕೇರಳ ಹೈಕೋರ್ಟ್‌ ನ್ಯಾಯಾಧೀಶೆಯಾಗಿಯೂ ಸೇವೆ ಸಲ್ಲಿಸಿದ್ದರು.
ಮೇ.ಪ್ರಿಯಾ ಝಿಂಗಮ್‌
ಭಾರತೀಯ ಭೂ ಸೇನೆಯಲ್ಲಿ ಮೊದಲ ಮಹಿಳಾ ಅಧಿಕಾರಿ. 1992ರಲ್ಲಿ ಮಹಿಳೆಯರನ್ನೂ ಸೇನೆಗೆ ಸೇರಿ ಇಕೊಳ್ಳುವಂತೆ ಅವರು ಸೇನಾಮುಖ್ಯಸ್ಥರಿಗೆ ಪತ್ರ ಬರೆದು ಪ್ರಸಿದ್ಧವಾಗಿದ್ದರು. ಬಳಿಕ 24 ಮಹಿಳೆಯರನ್ನು ನಿಯೋಜಿಸಲಾಗಿತ್ತು. ಮೇಜರ್‌ ಹುದ್ದೆಯಲ್ಲಿ ಪ್ರಿಯಾ ಅವರು ಸೇವೆ ಸಲ್ಲಿಸಿದ್ದರು.
ಕಲ್ಪನಾ ಚಾವ್ಲಾ
ಭಾರತ ಮೂಲದ ಮೊದಲ ಮಹಿಳಾ ಗಗನಯಾತ್ರಿ. 1997ರಲ್ಲಿ ಮೊದಲ ಬಾರಿಗೆ ಕಲ್ಪನಾ ಚಾವ್ಲಾ ಅವರು ನಾಸಾದ ಮೂಲಕ ಗಗನಯಾತ್ರೆ ಕೈಗೊಂಡಿದ್ದರು. ರೊಬೊಟಿಕ್‌ ಆರ್ಮ್ ಆಪರೇಟರ್‌ ಆಗಿ ಅವರು ಕರ್ತವ್ಯ ನಿರ್ವಹಿಸಿದ್ದರು. 2003ರಲ್ಲಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರದಿಂದ ಮರಳುತ್ತಿರುವ ವೇಳೆ ಸಂಭವಿಸಿದ ದುರಂತದಲ್ಲಿ ಅವರು ಮಡಿದಿದ್ದರು.ಹೆತ್ತು ಹೊತ್ತು ಸಾಕಿ ಸಲಹುವವಳು ಮಹಿಳೆ. ಅಕ್ಕ, ತಂಗಿ, ಪುತ್ರಿ, ಪತ್ನಿಯಾಗಿ ಜೀವನ ತುಂಬುವವಳೂ ಅವಳೇ. ಇಂತಹ ಮಹಿಳೆಗೆ ಜಗತ್ತಿನಲ್ಲಿ ಮಹಿಳೆಗೆ ಅಪೂರ್ವ ಸ್ಥಾನವಿದೆ. ಇದನ್ನು ನೆನೆಸಿಕೊಡುವಂತೆ ಅಂತಾರಾಷ್ಟ್ರೀಯ ಮಹಿಳಾ ದಿನ ಆಚರಿಸಲಾಗುತ್ತದೆ. ಮಹಿಳಾ ದಿನದ ನಿಟ್ಟಿನಲ್ಲಿ ಭಾರತದ "ಮೊದಲಿಗ' ಮಹಿಳೆಯರ ಬಗ್ಗೆ, ಮಹಿಳೆ ಆಧಾರಿತ ಚಿತ್ರಗಳು, ಸ್ಫೂರ್ತಿದಾಯಕ ಮಾತುಗಳ ಗೊಂಚಲುಗಳು ಇಲ್ಲಿವೆ.
ಭಾರತದ ಮೊದಲಿಗ ಮಹಿಳೆಯರು:
ಮದರ್‌ ತೆರೇಸಾ
ಸಮಾಜ ಸೇವೆಗೆ ಮತ್ತೂಂದು ಹೆಸರು. ದೀನರು, ಬಡ ಮಕ್ಕಳು, ರೋಗಿಗಳ ಆರೈಕೆಯಲ್ಲಿ ವಿಶ್ವಕ್ಕೇ ಹೆಸರಾದವರು. ದೇಶದಲ್ಲಿ ಹಲವು ಮಿಷನರಿಗಳ ಮೂಲಕ ಸಮಾಜ ಸೇವಾ ಕೈಂಕರ್ಯವನ್ನು ನಡೆಸಿದರು. ಅವರ ನಿಧನಾ ನಂತರವೂ ತೆರೇಸಾ ಹೆಸರಲ್ಲಿ ಈ ಕೆಲಸಗಳು ಮುಂದುವರಿಯುತ್ತಿವೆ.
ಇಂದಿರಾ ಗಾಂಧಿ
ದೇಶದ ಮೊದಲ ಮಹಿಳಾ ಪ್ರಧಾನಿ. ಅತಿ ಪ್ರಭಾವಿಯೂ ಹೌದು. ಸುಮಾರು 20 ವರ್ಷಗಳ ಕಾಲ ಪ್ರಧಾನಿಯಾಗಿ ದೇಶವನ್ನು ಮುನ್ನಡೆಸಿದವರು. ಬಾಂಗ್ಲಾ ವಿಮೋಚನೆಯಲ್ಲಿ ದಿಟ್ಟತನ ಪ್ರದರ್ಶಿಸಿದವರು. ಧೈರ್ಯ, ಛಲಕ್ಕೆ ಇಂದಿರಾ ಹೆಸರಾಗಿದ್ದಾರೆ. ಬಿಬಿಸಿಯ ಶತಮಾನದ ಮಹಿಳೆ ಎಂಬ ಬಿರುದಿಗೆ ಪಾತ್ರವಾಗಿದ್ದರು.
ಕಿರಣ್‌ ಬೇಡಿ
ಭಾರತದ ಮೊತ್ತ ಮೊದಲ ಮಹಿಳಾ ಐಪಿಎಸ್‌ ಅಧಿಕಾರಿ. ದೇಶದ ಹಲವಾರು ಮಹಿಳಾ ಅಧಿಕಾರಿಗಳಿಗೆ ಸ್ಫೂರ್ತಿಯಾದವರು. ತಿಹಾರ್‌ ಜೈಲಿನ ಜೈಲಧಿಕಾರಿಯಾಗಿ ಹಲವು ಬದಲಾವಣೆಗೆ ಕಾರಣವಾದವರು. ದಿಟ್ಟ ಪೊಲೀಸ್‌ ಅಧಿಕಾರಿ ಎಂದೇ ಪ್ರಸಿದ್ಧರಾದ ಬೇಡಿ, ಭ್ರಷ್ಟಾಚಾರ ವಿರೋಧಿ ಹೋರಾಟದಲ್ಲೂ ಭಾಗಿಯಾಗಿದ್ದರು.
ಪ್ರತಿಭಾ ಪಾಟೀಲ್‌
ದೇಶದ 12ನೇ ರಾಷ್ಟ್ರಪತಿಯಾಗಿ 2007ರಿಂದ 2012ರವರೆಗೆ ಹುದ್ದೆಯಲ್ಲಿದ್ದರು. ಮಹಾರಾಷ್ಟ್ರದಲ್ಲಿ ಕಾಂಗ್ರೆಸ್‌ ಆಡಳಿತ ವೇಳೆ ಹಲವು ಸಚಿವ ಸ್ಥಾನಗಳನ್ನು ನಿಭಾಯಿಸಿದ್ದರು. ರಾಜ್ಯಸಭೆಯ ಉಪಾಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು. 2004ರಿಂದ 2007ರವರೆಗೆ ರಾಜಸ್ಥಾನದ ರಾಜ್ಯಪಾಲರಾಗಿಯೂ ಇದ್ದರು.
ಮೇರಿ ಕೋಮ್‌
ಅಪ್ರತಿಮ ಬಾಕ್ಸರ್‌. ಓರ್ವ ತಾಯಿಯಾಗಿ ಐದು ಬಾರಿ ವಿಶ್ವ ಅಮೆಚೂರ್‌ ಬಾಕ್ಸಿಂಗ್‌ ಚಾಂಪಿಯನ್‌ ಶಿಪ್‌ನಲ್ಲಿ ಪದಕ ಮುಡಿಗೇರಿಸಿಕೊಂಡವರು. 2012 ಲಂಡನ್‌ ಒಲಿಂಪಿಕ್ಸ್‌ನಲ್ಲಿ ದೇಶಕ್ಕೆ ಕಂಚಿನ ಪದಕ ತಂದುಕೊಟ್ಟವರು. ದೇಶದ ಮಹಿಳಾ ಕ್ರೀಡಾಪಟುಗಳಿಗೆ ಮಣಿಪುರದ ಮೇರಿ ಕೋಮ್‌ ಸ್ಫೂರ್ತಿಯಾಗಿದ್ದಾರೆ.
ಕೃಪೆ: ಉದಯವಾಣಿ
Shri Balesh Hattaraki ಅವರ ಸವಿ ಸಂಪನ್ಮೂಲಗಳು
ಸಂಪನ್ಮೂಲಗಳಿಗಾಗಿ ಕೆಳಗಿನ link Click ಮಾಡಿ
1. SSLC SOCIAL SCIENCE NOTES
2 SETUBANDHA
3 FA QUESTIONS PAPER ( 1 to 4)
4 ELC Club Activities
ಭಯಾನಕ ಮುಖವಾಡದ ಹಿಂದೆ ನೆಚ್ಚಿನ ಗೆಳೆಯ!
ಭಯಾನಕ ಮುಖವಾಡವನ್ನು ಕಂಡು ಗಾಬರಿಯಾದ, ಆದರೆ ಆನಂತರ ಅಸಾಮಾನ್ಯ ಎನಿಸಬಹುದಾದ ಪಾಠವೊಂದನ್ನು ಕಲಿತ ಒಂದು ನಿಜಜೀವನದ ಘಟನೆಯೊಂದು ಇಲ್ಲಿದೆ. ನಮ್ಮ ಸ್ವಾಮಿ ಪೂಜ್ಯ ದಾದಾ ಜೆ.ಪಿ. ವಾಸ್ವಾನಿ ಯವರು ಹೇಳಿದ ಘಟನೆ. 1925ರಲ್ಲಿ ನಾನಿನ್ನೂ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಯಾಗಿದ್ದೆ. ನನ್ನ ಇಂಗ್ಲಿಷ್ ಉಪಾಧ್ಯಾಯರು ಕತೆ ಪುಸ್ತಕಗಳನ್ನು ಓದುವುದರಿಂದ ಭಾಷೆಯನ್ನು ಬೇಗ ಕಲಿಯಬಹುದು ಎಂದು ನಮಗೆ ತಿಳಿಸಿದರು. ನಾನು ಅಂತಹ ಪುಸ್ತಕವೊಂದನ್ನು ಹುಡುಕತೊಡಗಿದೆ.
ನನಗೆ ಗೋವಿಂದ ಎಂಬ ಹೆಸರಿನ ಗೆಳೆಯನಿದ್ದ. ನಾನು ಆತನನ್ನು ಯಾವುದಾದರೂ ಇಂಗ್ಲಿಷ್ ಭಾಷೆಯ ಸಣ್ಣ ಕತೆಗಳ ಪುಸ್ತಕಗಳಿದ್ದರೆ ನನಗೆ ಕೊಡಬೇಕೆಂದು ಕೇಳಿಕೊಂಡೆ. ಆತ ಆಯಿತು. ನಮ್ಮ ಮನೆಯಲ್ಲಿ ಒಂದು ಪುಸ್ತಕ ಇರಬಹುದು. ಅದನ್ನು ಹುಡುಕಿ, ಹೋಳಿ ಹಬ್ಬದ ರಜಾ ದಿನದಂದು ತಂದು ಕೊಡುತ್ತೇನೆ ಎಂದು ವಾಗ್ದಾನ ಮಾಡಿದ. ನಾನು ಹೋಳಿ ಹಬ್ಬದ ದಿನವನ್ನೇ ಸಡಗರ-ಸಂಭ್ರಮಗಳಿಂದ ನಿರೀಕ್ಷಿಸುತ್ತಿದ್ದೆ. ಅಂದು ನಮ್ಮ ಮನೆಯ ಮುಂಬಾಗಿಲನ್ನು ತಟ್ಟಿದ ಶಬ್ದವಾಯಿತು. ನನ್ನ ಸ್ನೇಹಿತನೇ ಬಂದಿರಬೇಕೆಂಬ ಕಾತುರತೆಯಿಂದ ನಾನು ಬಾಗಿಲು ತೆರೆದೆ. ಆದರೆ ಹೊರಗೆ ಕಂಡ ದೃಶ್ಯವನ್ನು ಕಂಡು ನಾನು ಕಿಟಾರನೆ ಕಿರುಚಿಕೊಂಡೆ. ಏಕೆಂದರೆ ಭಯಂಕರವಾದ ಸಿಂಹದ ಮುಖವಾಡ ಧರಿಸಿದ್ದವರೊಬ್ಬರು ನನಗೆ ಕಂಡರು.
ನಾನು ಭಯದಿಂದ ಕಿರುಚಿಕೊಳ್ಳುತ್ತಲೇ ಮನೆಯೊಳಕ್ಕೆ ಓಡಿಹೋದೆ. ಆಗ ಆ ಭಯಂಕರ ಮುಖವಾಡದ ಒಳಗಿನಿಂದ ನನಗೆ ಪರಿಚಯವಿರುವ ಮಧುರವಾದ ಧ್ವನಿ ಕೇಳಿಬಂತು. ಹೆದರಬೇಡ! ನಾನು ನಿನ್ನ ನೆಚ್ಚಿನ ಗೆಳೆಯ ಗೋವಿಂದ! ತಮಾಷೆಗಾಗಿ ಸಿಂಹದ ಮುಖವಾಡವನ್ನು ಧರಿಸಿ ಬಂದಿದ್ದೇನೆ. ಇಲ್ಲಿ ಬಾ. ನೀನು ಬಯಸುತ್ತಿದ್ದ ಸಣ್ಣ ಕತೆಗಳ ಪುಸ್ತಕವನ್ನೂ ನಾನು ತಂದಿದ್ದೇನೆ ಎನ್ನುವ ಮಾತುಗಳು ಕೇಳಿಸಿದವು. ಆ ಧ್ವನಿಯನ್ನು ಕೇಳುತ್ತಲೇ ನನ್ನ ಹೆದರಿಕೆಯೆಲ್ಲ ಕರಗಿಹೋಯಿತು. ನನ್ನ ಪುಕ್ಕಲತನಕ್ಕೆ ನಾನೇ ನಕ್ಕುಬಿಟ್ಟೆ. ಓಡೋಡಿ ಹೋಗಿ ನನ್ನ ಗೆಳೆಯನನ್ನು ತಬ್ಬಿಕೊಂಡೆ.
ಮನೆಯೊಳಕ್ಕೆ ಬರಮಾಡಿಕೊಂಡೆ. ನಡೆದು ಬರುವಾಗ ಅವನು ಧರಿಸಿದ ಮುಖವಾಡವನ್ನು ಮುಟ್ಟಿ ನೋಡಿದೆ. ರಟ್ಟಿನ ಕಾಗದದ ಮೇಲೆ ಬಣ್ಣಬಣ್ಣದ ಚಿತ್ತಾರ ಬಿಡಿಸಿದ್ದ ಮುಖವಾಡ ಅದು! ನಾನು ಮುಟ್ಟುತ್ತಿದ್ದಂತೆ ಆ ಮುಖವಾಡ ಕೆಳಕ್ಕೆ ಬಿದ್ದು ಹೋಯಿತು. ನನ್ನ ನೆಚ್ಚಿನ ಗೆಳೆಯನ ಆಕರ್ಷಕ ಮುಖ ನನಗೆ ಕಾಣಿಸಿಕೊಂಡಿತು. ಆತನೂ ಗಟ್ಟಿಯಾಗಿ ನಗುತ್ತಿದ್ದ! ಅಂದು ನಾನು ಕಲಿತ ಪಾಠದಿಂದಾಗಿ ನಾನು ಇಂದಿಗೂ ಬದುಕಿನಲ್ಲಿ ಯಾವುದೇ ಬಗೆಯ ಅಪಾಯ ಎದುರಾದರೂ ತೊಂದರೆ-ತಾಪತ್ರಯಗಳು ಬಂದೆರಗಿದರೂ ಅವನ್ನು ನೋಡಿ ಗಾಬರಿಯಾಗುವುದಿಲ್ಲ. ಅವು ಭಯಂಕರ ಮುಖವಾಡವನ್ನು ಧರಿಸಿರಬಹುದು. ಆದರೆ ಅವುಗಳ ಹಿಂದೆ ನಮಗೆ ಒಳ್ಳೆಯದನ್ನುಂಟು ಮಾಡುವ ಏನೋ ಒಂದು ಕೊಡುಗೆ ಅಡಗಿದೆ ಎಂದು ಭಾವಿಸುತ್ತೇನೆ. ಅನುಭವದಿಂದ ನಾನು ಕಂಡು ಕೊಂಡಿರುವ ಸತ್ಯವೇನೆಂದರೆ ನಮಗೆ ಆ ಸಮಸ್ಯೆಗಳು ಎದುರಾದ ತಕ್ಷಣ ಏನೋ ಬರಬಾರದ್ದು ಬಂದಿತೆಂದೂ, ಆಗಬಾರದ್ದು ಆಯಿತೆಂದೂ ಅಂದುಕೊಳ್ಳುತ್ತೇವೆ.
ಆದರೆ ಆ ಸಮಸ್ಯೆಗಳು ನಾವು ಅಂದುಕೊಂಡಷ್ಟು ತೀವ್ರವಾದ ತೊಂದರೆ ಯನ್ನುಂಟು ಮಾಡದೆ ಹೋಗಬಹುದು. ಅಥವಾ ಅವುಗಳು ನಮಗೆ ಒಂದು ಅಮೂಲ್ಯವಾದ ಪಾಠವನ್ನು ಕಲಿಸಬಹುದು. ದಾದಾ ವಾಸ್ವಾನಿಯವರಿಗೆ ಪ್ರಣಾಮಗಳು. ನಮಗೂ ಬದುಕಿನಲ್ಲಿ ಏನಾದರೂ ಸಮಸ್ಯೆ, ತೊಂದರೆ- ತಾಪತ್ರಯಗಳು ಎದುರಾದಾಗ ಮೇಲಿನ ಘಟನೆಯನ್ನು ಜ್ಞಾಪಿಸಿಕೊಳ್ಳಬಹುದು. ಅವನ್ನು ಧೈರ್ಯವಾಗಿ ಎದುರಿಸಬಹುದು. ಮನಸ್ಸಿನಲ್ಲಿ ‘ಬಂದದ್ದೆಲ್ಲಾ ಬರಲೀ ಗೋವಿಂದನ ದಯೆ ಯೊಂದಿರಲಿ’ಎಂದು ಪ್ರಾರ್ಥಿಸಬಹುದು. ಅವು ಬಂದು ಹೋದ ಎಷ್ಟೋ ದಿನಗಳ, ವರ್ಷಗಳ ನಂತರ ಅವುಗಳನ್ನು ನೆನಪಿಸಿಕೊಂಡಾಗ ನಮ್ಮ ಮುಖದ ಮೇಲೆ ಒಂದು ಮುಗುಳ್ನಗೆ ಮಿಂಚಿದರೂ ಆಶ್ಚರ್ಯವಿಲ್ಲ, ಅಲ್ಲವೇ? ಭಯಾನಕ ಮುಖವಾಡದ ಹಿಂದೆ ನಮ್ಮ ನೆಚ್ಚಿನ ಗೆಳೆಯನಿರಬಹುದು! ಆತ ನಮಗೆ ಆನಂದವನ್ನು ತರಬಹುದು ಅಥವಾ ಪಾಠವೊಂದನ್ನು ಕಲಿಸಬಹುದು!
*ಕೃಪೆ :ಷಡಕ್ಷರಿ.* ಸಂಗ್ರಹ: ವೀರೇಶ್ ಅರಸಿಕೆರೆ.
ಗುರಿ ಮೌಂಟ್ ಎವರೆಸ್ಟ್ ಆಗಿರಲಿ.
ಗುರಿ ಮೌಂಟ್ ಎವರೆಸ್ಟ್ ಆಗಿರಲಿ.
ಗುರಿ ಎಲ್ಲರಿಗೂ ಇರಲೇಬೇಕಾದದ್ದು ಅತೀ ಅಗತ್ಯ. ಗುರಿ ಇಲ್ಲದ ಜೀವನ ಎಂದೂ ದಡ ಸೇರದು. ಇಂದು ನಾವು ಅಂಗನವಾಡಿಯಲ್ಲಿ ಓದುವ ಮಗುವನ್ನು ನೀನು ಮುಂದೆನಾಗಬೇಕೆಂದಿರುವೆ ಪುಟ್ಟಾ ಅಂತಾ ಕೇಳಿದರೆ ಆ ಮಗು ಕೂಡಾ ಹೇಳುತ್ತೆ, ಡಾಕ್ಟರ್, ಎಂಜಿನಿಯರ್, ಟೀಚರ್, ಡಿ ಸಿ, ಎಸಿ ಮತ್ತೊಂದು ಮಗದೊಂದು. ಹಾಗೆಂದರೇನು ಎಂದು ಖಂಡಿತ ಆ ಮಗುವಿಗೆ ಗೊತ್ತಿರಲಿಕ್ಕಿಲ್ಲ. ಆದರೆ ಅಂಥದೊಂದು ಗುರಿಯನ್ನು ತಂದೆಯೋ, ತಾಯಿಯೊ ಮತ್ತಾರೋ ಆ ಮಗುವಿನ ಮನಸ್ಸಿನಲ್ಲಿ ಬಿತ್ತಿರುತ್ತಾರೆ ಖಂಡಿತಾ. ಹಾಗಂತ ಎಲ್ಲರೂ ತಾವಂದುಕೊಂಡಂತೆ ಆಗರು( ಹಾಗೊಂದು ವೇಳೆ ಅಂದುಕೊಂಡಂತೆಲ್ಲ ಆಗಿದ್ದರೆ ನಮ್ಮ ಜೀವನಕ್ಕೆ ಥ್ರಿಲ್ ಅನ್ನೋದು ಎಲ್ಲಿರ್ತಿತ್ತು ಅಲ್ವಾ) ಆದರೆ ಖಂಡಿತಾ ಆ ಮಗುವಿನಲ್ಲಿ ಭಾವಿ ಜೀವನದ ಬಗ್ಗೆ ಖಂಡಿತಾ ಒಂದು ಕನಸಿದೆ ಅಂತಾನೇ ಅರ್ಥಾ . ಎಲ್ಲೋ ಓದಿದ ನೆನಪು, ತೇನಸಿಂಗ್ ಶೇರ್ಪಾ ಮೌಂಟ್ ಎವರೆಸ್ಟನ್ನು ಹತ್ತಿ ಮುಗಿಸಿದ ನಂತರ ಅವನನ್ನು ಯಾರೋ ಕೇಳಿದರಂತೆ " ನೀನು ಮೌಂಟ್ ಎವರೆಸ್ಟ್ ಹತ್ತಿ ಬಂದೆಯಲ್ಲಾ ಈಗಾ ನಿನಗೆ ಎನನಿಸುತ್ತಿದೆ" ಎಂದು, ಅದಕ್ಕೆ ತೇನಸಿಂಗ್ ಹೇಳಿದರಂತೆ ನಾನು ಮೌಂಟ್ ಎವರೆಸ್ಟನ್ನು ಈಗಲ್ಲ ಹತ್ತಿದ್ದು ನಾನಿ ಚಿಕ್ಕವನಿರುವಾಗಲೇ ಹತ್ತಿಯಾಗಿದೆ ಎಂದು, ಆ ವ್ಯಕ್ತಿ ಗಾಬರಿಯಿಂದ ಅದ್ಹೇಗೆ ಸಾಧ್ಯ ಎಂದಾಗ ತೇನಸಿಂಗ್ ಹೇಳುತ್ತಾರೆ, " ನಾನು ಚಿಕ್ಕವನಿದ್ದಾಗ ಕುರಿಗಳನ್ನು ಈ ಪರ್ವತದ ಕೆಳಗೆ ಮೇಯಿಸುತ್ತಿದ್ದೆ , ಆಗ ನನಗೆ ಬುತ್ತಿ ತರುತ್ತಿದ್ದ ನನ್ನ ತಾಯಿ ಕೇಳಿದರು ತೇನಸಿಂಗ್ ಆ ಪರ್ವತವನ್ನು ನೀನು ಹತ್ತಿ ನನ್ನ ಆಸೆ ಈಡೇರಿಸುವೆಯಾ ಎಂದು, ಅದೇ ದಿನ ನಾನು ಮಾನಸಿಕವಾಗಿ ಈ ಪರ್ವತವನ್ನು ಹತ್ತಿಯಾಗಿದೆ" ಎಂದು. ನಿಜಾ ಮನುಷ್ಯನಿಗೆ ಕನಸು ಇರಬೇಕು, ಒಂದು ಗುರಿ ಖಂಡಿತ ಇರಬೇಕು ಹಾಗೆಯೇ ಆ ಗುರಿಯನ್ನು ತಲುಪುವ ಛಲ, ಶ್ರದ್ಧೆ , ನಿಷ್ಠೆ ಮತ್ತು ಪ್ರಾಮಾಣಿಕ ಪ್ರಯತ್ನಗಳೂ ಇರಬೇಕು. ಇಂದು ಪ್ರಯತ್ನಗಳು ಕಡಿಮೆಯಾಗುತ್ತಿದ್ದು ಬಹುತೇಕ ಜನರು ಯಶಸ್ಸಿಗಾಗಿ ಶಾರ್ಟ್ ಕಟ್ ಮಾರ್ಗಗಳ ಹುಡುಕಾಟದಲ್ಲಿ ಕಳೆದು ಹೋಗಿದ್ದೀವಿ ಏನೋ ಅನಿಸುತಿದೆ, ನೋಡಿ ಹೆಚ್ಚು ಶ್ರಮ ಬೇಡ ಆದರೆ ಕೈತುಂಬ ಸಂಬಳ ಬೇಕೆಂಬ ಉದ್ಯೋಗಿಗಳು ಒಂದೆಡೆಯಾದರೆ, ಓದಲೊಲ್ಲರು, ಸರಿಯಾಗಿ ಶಾಲೆಗೆ ಬರಲೊಲ್ಲರು ಆದರೂ ಶಾಲಾ ಕಾಲೇಜುಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ೮೦%-೯೦% ಅಂಕಗಳು ಬೇಕು, ಇದು ಹೇಗೆ ಸಾಧ್ಯ? ಶ್ರಮವೇ ನಮ್ಮ ಯಶಸ್ಸಿನ ಮಾರ್ಗವಲ್ಲವೇ?
ಶ್ರೀ ಲಕ್ಷ್ಮೀಕಾಂತ ಡಿ ಮಮದಾಪೂರ
ಸಹ ಶಿಕ್ಷಕರು,
ಸರಕಾರಿ ಪ್ರೌಢಶಾಲೆ ನಾಗರಾಳ. ತಾ|| ಬೀಳಗಿ
ಗುರಿ ಎಲ್ಲರಿಗೂ ಇರಲೇಬೇಕಾದದ್ದು ಅತೀ ಅಗತ್ಯ. ಗುರಿ ಇಲ್ಲದ ಜೀವನ ಎಂದೂ ದಡ ಸೇರದು. ಇಂದು ನಾವು ಅಂಗನವಾಡಿಯಲ್ಲಿ ಓದುವ ಮಗುವನ್ನು ನೀನು ಮುಂದೆನಾಗಬೇಕೆಂದಿರುವೆ ಪುಟ್ಟಾ ಅಂತಾ ಕೇಳಿದರೆ ಆ ಮಗು ಕೂಡಾ ಹೇಳುತ್ತೆ, ಡಾಕ್ಟರ್, ಎಂಜಿನಿಯರ್, ಟೀಚರ್, ಡಿ ಸಿ, ಎಸಿ ಮತ್ತೊಂದು ಮಗದೊಂದು. ಹಾಗೆಂದರೇನು ಎಂದು ಖಂಡಿತ ಆ ಮಗುವಿಗೆ ಗೊತ್ತಿರಲಿಕ್ಕಿಲ್ಲ. ಆದರೆ ಅಂಥದೊಂದು ಗುರಿಯನ್ನು ತಂದೆಯೋ, ತಾಯಿಯೊ ಮತ್ತಾರೋ ಆ ಮಗುವಿನ ಮನಸ್ಸಿನಲ್ಲಿ ಬಿತ್ತಿರುತ್ತಾರೆ ಖಂಡಿತಾ. ಹಾಗಂತ ಎಲ್ಲರೂ ತಾವಂದುಕೊಂಡಂತೆ ಆಗರು( ಹಾಗೊಂದು ವೇಳೆ ಅಂದುಕೊಂಡಂತೆಲ್ಲ ಆಗಿದ್ದರೆ ನಮ್ಮ ಜೀವನಕ್ಕೆ ಥ್ರಿಲ್ ಅನ್ನೋದು ಎಲ್ಲಿರ್ತಿತ್ತು ಅಲ್ವಾ) ಆದರೆ ಖಂಡಿತಾ ಆ ಮಗುವಿನಲ್ಲಿ ಭಾವಿ ಜೀವನದ ಬಗ್ಗೆ ಖಂಡಿತಾ ಒಂದು ಕನಸಿದೆ ಅಂತಾನೇ ಅರ್ಥಾ . ಎಲ್ಲೋ ಓದಿದ ನೆನಪು, ತೇನಸಿಂಗ್ ಶೇರ್ಪಾ ಮೌಂಟ್ ಎವರೆಸ್ಟನ್ನು ಹತ್ತಿ ಮುಗಿಸಿದ ನಂತರ ಅವನನ್ನು ಯಾರೋ ಕೇಳಿದರಂತೆ " ನೀನು ಮೌಂಟ್ ಎವರೆಸ್ಟ್ ಹತ್ತಿ ಬಂದೆಯಲ್ಲಾ ಈಗಾ ನಿನಗೆ ಎನನಿಸುತ್ತಿದೆ" ಎಂದು, ಅದಕ್ಕೆ ತೇನಸಿಂಗ್ ಹೇಳಿದರಂತೆ ನಾನು ಮೌಂಟ್ ಎವರೆಸ್ಟನ್ನು ಈಗಲ್ಲ ಹತ್ತಿದ್ದು ನಾನಿ ಚಿಕ್ಕವನಿರುವಾಗಲೇ ಹತ್ತಿಯಾಗಿದೆ ಎಂದು, ಆ ವ್ಯಕ್ತಿ ಗಾಬರಿಯಿಂದ ಅದ್ಹೇಗೆ ಸಾಧ್ಯ ಎಂದಾಗ ತೇನಸಿಂಗ್ ಹೇಳುತ್ತಾರೆ, " ನಾನು ಚಿಕ್ಕವನಿದ್ದಾಗ ಕುರಿಗಳನ್ನು ಈ ಪರ್ವತದ ಕೆಳಗೆ ಮೇಯಿಸುತ್ತಿದ್ದೆ , ಆಗ ನನಗೆ ಬುತ್ತಿ ತರುತ್ತಿದ್ದ ನನ್ನ ತಾಯಿ ಕೇಳಿದರು ತೇನಸಿಂಗ್ ಆ ಪರ್ವತವನ್ನು ನೀನು ಹತ್ತಿ ನನ್ನ ಆಸೆ ಈಡೇರಿಸುವೆಯಾ ಎಂದು, ಅದೇ ದಿನ ನಾನು ಮಾನಸಿಕವಾಗಿ ಈ ಪರ್ವತವನ್ನು ಹತ್ತಿಯಾಗಿದೆ" ಎಂದು. ನಿಜಾ ಮನುಷ್ಯನಿಗೆ ಕನಸು ಇರಬೇಕು, ಒಂದು ಗುರಿ ಖಂಡಿತ ಇರಬೇಕು ಹಾಗೆಯೇ ಆ ಗುರಿಯನ್ನು ತಲುಪುವ ಛಲ, ಶ್ರದ್ಧೆ , ನಿಷ್ಠೆ ಮತ್ತು ಪ್ರಾಮಾಣಿಕ ಪ್ರಯತ್ನಗಳೂ ಇರಬೇಕು. ಇಂದು ಪ್ರಯತ್ನಗಳು ಕಡಿಮೆಯಾಗುತ್ತಿದ್ದು ಬಹುತೇಕ ಜನರು ಯಶಸ್ಸಿಗಾಗಿ ಶಾರ್ಟ್ ಕಟ್ ಮಾರ್ಗಗಳ ಹುಡುಕಾಟದಲ್ಲಿ ಕಳೆದು ಹೋಗಿದ್ದೀವಿ ಏನೋ ಅನಿಸುತಿದೆ, ನೋಡಿ ಹೆಚ್ಚು ಶ್ರಮ ಬೇಡ ಆದರೆ ಕೈತುಂಬ ಸಂಬಳ ಬೇಕೆಂಬ ಉದ್ಯೋಗಿಗಳು ಒಂದೆಡೆಯಾದರೆ, ಓದಲೊಲ್ಲರು, ಸರಿಯಾಗಿ ಶಾಲೆಗೆ ಬರಲೊಲ್ಲರು ಆದರೂ ಶಾಲಾ ಕಾಲೇಜುಗಳಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ ೮೦%-೯೦% ಅಂಕಗಳು ಬೇಕು, ಇದು ಹೇಗೆ ಸಾಧ್ಯ? ಶ್ರಮವೇ ನಮ್ಮ ಯಶಸ್ಸಿನ ಮಾರ್ಗವಲ್ಲವೇ? ಶ್ರೀ ಲಕ್ಷ್ಮೀಕಾಂತ ಡಿ ಮಮದಾಪೂರ
ಸಹ ಶಿಕ್ಷಕರು,
ಸರಕಾರಿ ಪ್ರೌಢಶಾಲೆ ನಾಗರಾಳ. ತಾ|| ಬೀಳಗಿ
